باسم الله الرحمن الرحيم
كريوش الوجدي
السلام عليكم
مع قرابة شهر رمضان لا يخلو بيت من تحضير شهيوات رمضان
وعلى راسهم الكريوش
انا اليوم جبتلكم الكريوش على الطريقة الوجدية
ان شاء الله يعجبكم
نخليكم مع المقادير
كيلو دقيق
كاس كبير مخلط زبدة ذايبة وزيت الزيتون
نصف كاس خل
راس معيلقة صغيرة زعفران ملون
كاس لوز مطحون مزياااان ومغربل
كاس زنجلان مطحون مزيان {سمسم}
كاس نافع وحبة حلاوة مطحونين مزيان ومغربلين زوج مرات
شوية زعفران حر
كيس خمارة نتاع الحلوى
معلقة صغيرة خمارة نتاع الخبز
نصف غرفية خميرة بلدية
نصف كاس ماء الزهر
زيت للقلي
للتزيين عسل و زنجلان او لوز مهرمش
الطريقة
في قصعة نخلط النواشف اولا
ثم نضيف الزيت والزبدة ونبسس بهم الكل جيدا حتى يشرب الدقيق الزيت والزبدة
جتى نحصل على خليط مرمل
ثم نضيف السوائل
الزعفران مذاب في الخل ولخميرة البلدية وماء الزهر
نجمع الى خاصنا نكملو بالماء الدافئ
ندلكوها مزيان ونخليها ترتاح
نقسمو العجينة الى كرات ونغطوها بالبلاستيك الغدائي
بعد ما ترتاح نبسطها بالوراق او الالة وتكون رقيقة
نقطعوها عادي ونشبكوها
حتى نكملو كاع العجين الي عندنا
ونبداو نقليو في زيت ساخن على نار متوسطة من الحبات الاولين وهكدا
ثم نغطسوها في العسل ثم تزين باللوز مهرمش او الزنجلان
بالصحة
إرسال تعليق