باسم الله الرحمن الرحيم
السلام عليكم
وصفة اليوم مخامر راااائعين ومورقين ويجيو هشاش
نتمنى يعجبوكم تابعو المقادير والطريقة
لمتابعة الطريقة بالصور اضغط هنا
المقادير
زلافة دقيق+زلافة فينو+معلقة صغيرة ملح+معلقة صغيرة سكر+معلقة كبيرة خمارة معجونة +شوية خمارة الحلوى بيكنبودر +معلقة صغيرة زبدة او زيت
زبدة وزيت وسميد يعني فينو شوية غليض للتوراق
الطريقة
نجمعو كاع المكونات عادي كيف كنعجنو العجين والعجينة تكون ماقاسحة مارطبة
نعطيوها الدليك مليح ونخليوها تخمر او ترتاح
نقطعوها كويرات وندهنهم بالزيت ونغطيهم ببلاستيك غدائي ونخليهم يرتاحو باش نقدرو نبسطوهم من بعد نشكلوهم على شكل مسمن عادي نبسطوهم بالزبدة ونرشوهم بالسميد عادي الى تقطعت العجينة لان فيها الخمارة ومن بعد نجمعو المسمنة كاع من الجوانب ونشكلو منها كويرة ونخليوها ترتاح
نبسطو الكرات ونطيبوهم في الطاجين وكل مرة نرشوهم بالزبدة حتى يتحمرو
بالصحة
إرسال تعليق