باسم الله الرحمن الرحيم
السلام عليكم
وصفتنا اليوم العصير التركي كيجي راااااائع و واعر بزاااف
نتمنى تعجبكم وصفة اليوم
نخليكم مع المقادير والطريقة
المقادير :برتقالة كبيرة +ليمونة كبيرة من النوع الاصفر انا استعملت الاخضر يعجبني اكثر من الاصفر +كاس كبير سكر+ملعقة صغيرة حجر الليم
الطريقة
نجمدو البرتقالة والليمونة في المجمد ليلة كاملة ونقطعوها قطع صغيرة
انا قطعتها عاد جمدتها باش نتفادا تقطاعها من بعد التجميد
من بعد ليلة كاملة في المجمد نضيفلها السكر ونطحنها مزيان حتى تبقا معجون
نخويه فوق 3 لتر ماء ونضيفله ملعقة صغيرة حجر الليم ونحرك مليح الخليط نتاعنا
من بعد نصفيه زوج مرات في الصفاية والى صفيناه في ثوب رقيق غير مرة وحدة
نديروه يبرد ونشربوه بالصحة راه مننننعش الطريقة بالصور على صفحة مطبخ ام صفاء
إرسال تعليق