حلوة من بقايا حلويات العيد
كلنا هاد الايام نوجدو حلوة العيد لكن شكون الي متتحرقش لها الحلوة او غير تجي زايدة في التحمار ومتعجبهاش تمشي تلوحها مع الخبز اليابس لكن انا هده سنين عمري رميت الحلوة لزايدة في التحمار او محروقة بغيتو تعرفو كيفاش ؟تابعوني وهده حلوة من البقايا
غادي ناخدو الكوك الي كنا نخدمو به وبقالينا موسخ بالمربى او الشكولا وناخدو كاع هديك الباقايا الي شاطت لينا ملي كنا نصايبو الحلوة بحال الكاوكاو مهرمش او زنجلان الى كنا نستعملوه للتزيين حتى هو يكون موسخ بالمربى ونخلطوه مع الحلوة المحروقة او محمرة بالزايد بعد منحكوها غير بكف يدينا ونخلطو الكل اما بالمربى او العسل او الحليب المركز المحلى انا نفضل المربى تكون ناقصة في لحلاوة ونعمل منها كويرات
ونغمسها في الشكلاط ابيض ونمررها في الكوك وكتجي احسن حلوة العيد وتتهناي من البقايا وبيناتنا الى كنتي حارقة الحلوة بتخبيا حتى واحد ميشوفها ههههه
وهاد الحلوة كتجي احسن حلوة ان شاء الله تعجبكم الفكرة وتجربوها وبالصحة
إرسال تعليق