باسم الله الرحمن الرحيم
فولوفون بالعجينة المورقة لفطور رمضان
المقادير
العجينة المورقة اما مخدومة فالدار او مشرية جاهزة
ان شاء الله نقدم الطريقة نتاع العجين المورق بطريقة جد ساهلة
نحتاج حشوة مالحة على حسب الرغبة
انا استعملت صدر الدجاج مقطع رقيق بزاف مشحر مع بصلة مقطعة رقيق
وشوية فلفل حلو وجزر محكوك مع التوابل
{ملح وفلفل اسود شوية زنجبيل وشوية ربيع وضريس ثوم }
ونحتاجو لفرماج مثلاثات او فرماج مربعات
وزيتون اسود للتزيين
الطريقة
نبسط العجين المورق ونقطعه بالقطاع الدائري
ونقطع اخر القطاع كدالك بالقطاع الدائري ونثقبوه في الوسط وقطاع يكون اصغر
نوضع الدائرة الي مشي مثقوبة وندير في الجوانب اصفر البيض ونحط فوقها الدائرة
المثقوبة وندهن بالبيض وندخله الفرن حتى يطلع ويبدا يتحمر قبل ميتحمر مزيان
نخرجه ونحشيه بالحشوة الي عندنا ونعمل فوقه شوية فرماج ونزينه بالزيتون الاسود
ونرجعه غير يتحمر وبالصحة راه يجي فنننننن
إرسال تعليق