باسم الله الرحمن الرحيم
مسمن عامر
السلام عليكم اليوم جبتلكم مسمن عامر كيجي زوين بزاف
و مع طريقتي الخاصة باش الحشو ميخرجش من المسمن
ان شاء الله تعجبكم وصفة اليوم
نحتاجو لعجينة لمسمن
زلافة دقيق +زلافة فينو +معلقة زيت+معلقة سكر +ملح
نعجن لمسمن عادي كيف مولفين نعجنوه وندلكوه مزيان ونقطعوه كويرات صغيرة
باش لمسمن يجينا صغير وميضيعش
الحشو يبقا حسب الاختيار انا درت صدر دجاج مقطع رقيق بزاف
مشحر في بصلة وضفتله الفلفل الحلو وشوية فطر غير شوية مقطع رقيق
زوج مربعات كيري +ملح فلفل اسود تحميرة +الزنجبيل
زيتون مقطع دوائر+ فرمسيل اختياري مشي ضروري
الطريقة بالصور على صفحتي على الفيسبوك
طريقة جد سهلة وعلى ضمانتي ميخرجش لكم الحشو ابدا
نطيبوهم اما في الفرن او في الطاجين انا طيبته على الطاجين
رمضان كريم
إرسال تعليق