باسم الله الرحمن الرحيم
سيكار بعجينة لمسمن يجي مورق
السلام عليكم
اليوم جبتلكم سيكار بالمسمن تيجي رائع ومورق
انا نحاول يجيبلكم وصفات ساهلين باش تقدرو
تنوعو طاولة رمضان باقل كلفة
ان شاء الله تعجبكم وصفة اليوم انا متخطانيش في رمضان
مقادير الحشو
بصلة مقطعة مربعات+فلفلة حلوة مقطعة مربعات+كوسة او كرعة محكوكة
زيتون اخضر مقطع دوائر
فرمسيل+سمك او كفتة غير الي واجد انا استعملت سمك +الفطر ممكن الاستغاء عنه
ربيع+فلفل+تحميرة+قرفة+ثوم+صلصة الصوجا ممكن الاسغناء عنها +خرقوم+ملح
عجين لمسمن عادي كيف مولفين نوجدوه غير نقطعوه شوية صغير
الطريقة
غادي نشرح الطريقة وكدالك الطريقة بالصور موجودة على صفحتي على الفيسبوك
نشحرو البصلة مع الفلفلة حتى طيح شوية ونضيف الكوسا ونقلب ونضيف الثوابل
نقلب حتى تنضج الخضر نضيف الفرمسيل والزيتون الاخضر ونتركه على جنب
في نفس المقلاة ندير زوج معالق زيت الزيتون + زوج ضراس ثوم +ملح وفلفل
نقلب شوية ونضيف السمك الي كنت فورته من قبل غير تقليبة خفيفة ونطفي النار
ونخلط الخليط الاول مع السمك
نعمل الكويرات مسمن عادي
ناخد كل مسمنة نسرحها بحيت تاخد شكل طولي
نقسمها على اثنين
ونحط الحشو ونلف على شكل سيكار
غير زوج لويات ونقطع العجين
باش متجيش لعجينة اكثر من الحشو
ندهنوهم بالحليب وندخلوهم للفرن على نار متوسطة
تابعو التفاصيل بالصور على مطبخ ام صفاء
يقدم ساخن بالصحة رمضان كريم
إرسال تعليق