باسم الله الرحمن الرحيم
بسيطلات صغار بعجينة المسمن مقرمشين
السلام عليكم :اليوم جبلكم بسيطلات ان شاء الله يعجبوكم
المقادير; عجينة لمسمن
كاس كبير فينو +كاس كبير دقيق+ملح +سكر +ربع ملعقة صغيرة زبدة
الطريقة
في قصعة نخلط كاع المكونات بالماء حتى تصبح عندنا عجينة متماسكة ورطبة
نعطيوها الدليك مزيان ونقطعها كورات صغار بزاف ونخليوهم يرتاحو حتى يطوعو
مقادير الحشو
انا استعملت نصف دجاجة تقدري تستعملي على حساب العائلة
بصلة ونص كبيرة مقطعة +ربيع+زوج ضراس ثوم كبار+4 بيضات +التوابل
سكن جبير+خرقوم+قرفة+ملح+فلفل اسود+تحميرة
نحتاجو لوز مقلي او حتى كاوكاو يجي مزيان
نحمرو اللوز ونطحنوه نخليوه مهرمش شوية +سكر وقرفة
نشرمل الدجاج ونخليه يترقد شي ساعة حتى يشرب التشرميلة مزيان
في طنجرة نشحر الدجاج في شوية زيت ونص بصلة حتى يتشحر مزيان نضيفله بصلة مقطعة رقيق ونمرق ونخليه حتى يطيب الدجاج
مين نحيد الدجاج نخلي المرقة تتشرب حتى ترجع خاترة نفقص فيها 4 بيضات
نخلط مزيان حتى تنشف المرقة وتنساجم مع البيض
نفرتت الدجاج ونقيه مزيان من العضام و الجلد
نسرح العجينة رقيقة على شكل دائري نحط الدجاج ونحط فوقه خليط البيض ومن بعد نحط القليل من اللوز ونبقى نغلق الدائرة ومن بعد مينغلقها نسرح اخرى ونحطها فوقها ونقلب نغطيها ونغلق من جديد التفاصيل باش تفهمو اكثر بالصور على صفحة
ندهنهم بالزبدة مزيان وندخلهم للفرن على نار متوسطة حتى يتحمرو ويتقرمشو
نخليوهم حتى يبردو شوية ونزينوهم بسكر صقيل والقرفة وكل واحد يزين حسب الذوق
بالصحة
إرسال تعليق