باسم الله الرحمن الرحيم
سيكار وبريوات صغار لضيوف رمضان
السلام عليكم
اليوم جبتلكم السيكار وبريوات معمرين بالحوت
نديروهم صغر ونقدموهم للضيوف في شهر رمضان المبارك
المقادير
نحتاجو للورقة
الحوت الابيض هبرة او الطون او اي حوت كبير
بصلة مشلدة وزيتون اخضر مثقوب
زوج او ثلاثة فرمجات مثلث ربيع
فلفل اسود+ملح+شوية خرقوم وشوية قرفة
الطريقة نشحرو البصلة حتى تتحمر ونضيف الحوت قطع صغيرة ونضيف الثوابل
والربيع نقلب حتى ينضج الحوت ونضيف الفرماج والزيتون نقلب تقليبة خفيفة ونطفي
الحضوة خاص تكون ناشفة من الماء نعمر الورقة اما سيكار او بريوات
ومن الاحسن نوعو سيكار وبريوات يكونو صغار بزاف
باش لما نحطوهم للضيوف يكونو هميين وميضيعش الاكل
اما نقليوهم او ندخلوهم للفرن
ملاحضة
الى قليناهم مندهنوش الورقة نعمروها ناشفة
الى دخلناهم الفرن نذهنو الورقة بالزبدة من الداخل
ومين نجيو ندخلوهم للفرن نذهنوهم من برا
رمضان مبارك
تابعونا على صفحتنا على الفيسبوك
إرسال تعليق