باسم الله الرحمن الرحيم
سلو او سفوف بقليل من الزيت
السلام عليكم
اليوم جبتلكم طريقتي في عمل سلو او سفوف صحي
مفيهش زيت المائدة ومفيهش زبدة غير القليل من زيت الزيتون
المقادير
نص كيلو دقيق
نص كيلو لوز
نص كيلو كاوكاو بلدي
نص كيلو زلجلان
100 غرام زريعة الكتان
معلقة كبيرة نافع
معلقة كبيرة حبة حلاوة
سكر صقيل على حسب الذوق انا استعملت كاس نتاع الشاي منبغيهش حلو بزاف
معلقة كبيرة قرفة وطريطقة مسكة حرة
الطريقة
نحمرو الدقيق في الطاجين على نار مهيلة او ناخدوه عند الفران نتاع الحومة
نحمر الكاوكاو او نقليه انا قليته وطحنت النص غير هرمشته والنص حتى طلق الزيت نتاعه واصبح جاري
نفس العملية نديروها للوز والزنجلان
الزنجلان نحمروه
زريعة الكتان نحمروها ونطحنوها
وكدالك للنافع وحبة حلاوة
من بعد موجد كلشي نعملوهم في قصعة
باش ندلكوه على راحتنا
نخويو كاع المكونات الي دكرناها اوا دلكي وعاودي باش كاع المكونات تطلق في بعضها
بالنسبة للزيت الزيتون نخليو حتى نشوفو واش يخصنا عاد نضيفو لان كلشي طالق الزيت نتاعه
انا هاد المقادير استعملت فيها كاس صغير نتاع الشاي نتاع زيت الزيتون
الطريقة بالصور في صفحتي على الفيسبوك
رمضان كريم
إرسال تعليق