باسم الله الرحمن الرحيم
عجين خاص بالفينوازري - بتي بان - كرواصو - شنيك
السلام عليكم
وصفة اليوم هي عجين خاص بالفينوارزي
الي نستعملوه في البتي بان والشنيك والكرواصو
نحتاجوها في شهر رمضان بزاف
نخليكم مع المقادير ان شاء الله وصفة اليوم تعجبكم
المقادير
600 غرام دقيق
زوج معالق زبدة دائبة
6 معالق سكر
خمارة حمرة
فاني وحدة
زوج معالق كبار حليب بودر
ياغورت
بياض بيضة
معلقة كبيرة خمارة نتاع الخبز و شوية خبز
ماء للعجن
الى مكانش الحليب بودر نعجنوه بالحليب
الطريقة
نخلطو النواشف ونضيفو السوائل ونعجنو ملييييح وندلكوها مزيان
من بعد نخليوها حتى تخمر عاد نورقوها باش تجينا ساهلة
ناخدو 125غرام زبدة الخاصة بالتوريق
ونسرحوها في وسط بلاستيك غدائي
ونسرحوها في العجين من بعد مورقناه ونلويوه بحال الرولو
ونسرحوه ونطويوه بحال المسمن وندخلوها للثلاجة ترتاح ونعاودو العملية غير مرتين
من بعد نشكلوها كيف بغينا كتجي هائلة في البتي بان والكرواصو والشنيك
ان شاء الله نخدم معاكم الوصفات بنفس العجين
وبالصحة
إرسال تعليق