باسم الله الرحمن الرحيم
شباكية اقتصادية ساهلة ورائعة
السلام عليكم
تحت طلب السيدة نادية جبتلكم الشباكية الاقتصادية
رخيصة في المقادير ولكن غزاااالة وهشيشة
وتبقى هشيشة حتى لاخر حبة
المقادير
500 غرام دقيق
شوية ملح
3 ملاعق كبار قرفة
نصف كاس صغير ماء الزهر فيه زعفران ملون
زوج معالق كبار زلجلان مطحون مليح
معلقة صغيرة نافع مطحونة مليح ومغربلة
معلقة خل
كاس صغير زيت صغير على كاس العنبة
شي زوج حبيبات نتاع المسكة
المسكة نضيفولها معلقة كبيرة نتاع الدقيق وندقوها في المهراز عاد نضيفوها للدقيق
هاد المقادير تعطينا زوج كيلو نتاع الشباكية
الطريقة
نخلطو النواشف مزيان نضيفو الزيت ونبسسوه مليح عاد نضيفو الماء ونعجنوها
وتكون العجينة قاسحة نخليوها ترتاح مدة ساعة
نطلقوها غير شوية و نقطعها مستطيلات ونعملهم في البلاستيك
ونبقى تجبد غير بالشريط ونخدم به نرقق العجين مزيان
ونشكلها
السر نتاع الشباكية باش تجي رائعة هي ان مين نشبكوها
نخليوها شي 6 ساعات او اكثر عاد نقليوها ونعسلوها ونخليوها شوية في العسل
باش تشرب مليح العسل
رمضان كريم
إرسال تعليق