باسم الله الرحمن الرحيم
طريقة تحضير مسمن محشو لفطور رمضان
السلام عليكم
اليوم ان شاء الله نقدملكم مسمن محشو
طريقة زوينة بحال لمحنشة
الصور غادي تلقاوهم في صفحتي على الفيسبوك
مقادير لمسمن
3 غرافي دقيق ابيض
2 غرافي فينو
معيلقة كبيرة سكر ومعلقة و نص صغيرة الملح
3 معالق كبار نشا
شوية خمارة حمرة
راس معيلقة صغيرة خمارة معجونة
3 معالق زيت
الماء للعجن
نخلطو كاع المقادير ونعجنوهم مزيان ونخليوهم يرتاحو مزيان باش يجيونا طايعين
ممكن نستعملو في هاد الوصفة عجينة لمسمن العادية لكن هده الطريقة زوينة بزاف
الحشو يكون حسب الرغبة
انا درت بالحوت الابيض جاني راااائع
في مقلات شحرت الجزر مع الكوسا محكوكين في شوية زيت وشوية فلفلة حلوة حتى هي
محكوكة وشوية ثوم
مع فلفل اسود وملح قرفة
الحوت الابيض بخرته ونقيته من الشوك وضفته للخضر تقليبة خفيفة ونضفي البوطة
طريقة التعمار تلقاوها في صفحتي بالصور
مين يرتاح العجين نقطع كويرات قد لمسمن العادي ونقطع كويرات صغييييورين
نسرحو الكويرة لكبيرة مزيان حتى نشوفو لتحتها يعني مورقة مليح
ونحط الحشو في الجنب ونديره بحال لمحنشة
ونسرح الكرة الصغيرة ونحطها فوق طبسيل صغير
ونحط فوقها المسمنة ونلف عليها الجوانب ندخلوهم الفرن مين يقربو يطيبو نرش فوقهم
الفرماج مخلط بشوية معدنوس
وندخلوهم حتى يذوب الفرماج وبالصحة
إرسال تعليق