باسم الله الرحمن الرحيم
شوصون معمر بالحوت والشعرية الصينية
السلام عليكم
شوصون لسفرة رمضان بعجينة البيتزا رائع وميجيش معجن
المقادير
نحتاجو لعجينة البيتزا
تلقاوها هنا
الحشوة
سمك ابيض مفور ومنقي من الشوك مزيان
شعرية صينية
بصلة مقطعة طول
ملح+ فلفل +خرقوم+سكنجبير+قرفة
الطريقة
نقليو البصل في شوية زيت حتى تقرب تتحمر ونضيفو لها العطرية والسمك تقليبة
خفيفة ونطفيو عليها
نضفولها الشعرية الصينية بعدما درناها في الماء مغلي وقطعتها رقيق بالمقص
نفرد العجين ديالنا ونقطعه دوائر القياس حسب الرغبة
نحط شوية حشوة من الجنب
ونغلق الشوصون ديالنا ونضغط عليه من الجوانب باش ميتحلش في الفرن
ونزيد نزينه بالشوكة
ندهنوه بالبيض مع قطرات خل ونرش عليه قاوقا و مهرمش ممقليش
او لوز ايفيلي
وندخلوه الفرن مباشرة بلا ما يخمر
الطريقة بالصور على صفحتي في الفيسبوك
وبالصحة
إرسال تعليق