باسم الله الرحمن الرحيم
ميني بيتزا بالحوت الابيض لسفرة رمضان
السلام عليكم
اليوم جبتلكم ميني بيتزا لسفرة رمضان
تجي رائعة وتذوب في الفم
المراحل بالصور تلقاوهم على صفحتي في الفيسبوك
مقادير العجين
انا ندير هاد المقادير تجي ذوب في الفم
غرفية دقيق ابيض غرفية فينو كيف يمكن نستعملو غير الدقيق
ملح +معلقة كبيرة سكر +معلقة كبيرة زعتر يابس نحكوه غير بكف ايدنا
+كاس صغير زيت عادية ديال المائدة
معلقة كبيرة خمارة نتاع الخبز
نخلطو جميع المقادير ونعجنو العجينة ملييييح ونخليوها تخمر
من بعد نسرحوها بالوراق رقيقة ونقطعوها دوائر حسب الرغبة
ونعملها ثقوب بالفرشيط باش متنفخش
نحط صلصة البيتزا المقادير والطريقة راها عندي في صفحتي على الفيسبوك
وندير فوق الصلصة الحوت الابيض بعد مافورته ونقيته من الشوك
الحوت منديروله والو نخليوه باش يجي فيه المذاق دياله
ومن بعد نرش الفرماج والزعتر
الاضافة تبقى على حسب الرغبة مثل الزيتون انا منبغيش الزيتون في البيتزا
ندخلوها للفرن على نار مهيلة مين تتحمر من تحت نشعلو لفوق غير دقيقة ونطفيو عليها
بالصحة رمضان مبارك
إرسال تعليق