باسم الله الرحمن الرحيم
حلوة القلب للاعراس
السلام عليكم وصفة اليوم حلوة تجي رائعة للاعراس
ان شاء الله تعجبكم نخليكم مع المقادير
2 صفار البيض+كاس كبير نشا +250 غرام زبدة لينة+خمارة حمرة+
نصف كاس زيت+كاس سكر +دقيق حسب الخليط
للتزيين
جلجلان+شكلاط ابيض+حلوة البنان او حلوة السيميلي
الطريقة
نخدم الزبدة مع السكر مليح نضيف الزيت ونخلط ثم البيض ونخلط
ثم النشا نخلط نضيف الخمارة ثم الدقيق تدريجيا مع الدلك جيدا حتى نحصل على عجينة لينة
نقدرو نشكلوها ندخلوها للثلاجة ترتاح من بعد نبسطها بالمدلك ونقطعها قلوب ندخلها للفرن على نار هادئة
نراقبها حتى يبدا اللون نتاعها يتغير منخليوهاش تتحمر بالزايد
نترك الحلوة حتى تبرد نلصق قلبين مع بعض بالمربى
نتركها مدة ساعتين حتى تلتصق
في حمام مائي نذيب الشكولاطة مع القليل من الحليب وقطعة صغيرة من الزبدة لتعطيها لمعان
نغمس وجه القلب في الشكولاطة ثم نلصق فيها الحلوى او حلوة السيميلي ثم نصففها في بلاطو حتى تجف تماما
نذهن جوانب القلب بالمربى ونغمسها في الجلجلان يكون محمر ثم نصففها في بلاطو حتى يتماسك عليها الجلجلان
لمشاهدة الطريقة بالصور وبالتفصيل اضغط هنا
إرسال تعليق